Spjall MS-félagsins

[Þyri Sölva]

Er fólk almennt að vinna með M.S. hve mikið?
Fulla vinnu eða hlutastarf?
_________________
Kveðja
Þyri Sölva

[Laufey]

Ég fór fljótlega á örorku ...
En er núna að sækja um vinnur og búin að fara í eitt viðtal og er ég að vonast til að komast aftur út á vinnumarkaðinn !
Ég er ekki búin að fá kast núna í 14 mánuði og líður bara vel með það og er bjartsýn á að komast í gegnum 100 % vinnu

Kveðja Ósk Laufey
_________________
Kveðja Ósk Laufey

[Gudlaug G]

Ég hef ekkert unnið síðan í lok október, en þá fékk ég kast nr. 2 og greininguna í lok nóvember.´

Ég er leikskólakennari og hef áunnið mér veikindadaga skv. svokallaðri 12 ára reglu eða 273 daga. Staðan hjá mér í dag er að læknirinn minn gefur mér grænt ljós á að vinna hluta úr degi, var í 89,5% starfi, en það er skv. sambandi íslenskra sveitarfélaga ekki gott að blanda saman veikindarétti og vinnu, ég var þá til í að koma inn í óskráða vinnu í ákveðin verkefni en það þykir heldur ekki gott.

Þannig að það er ekkert endilega auðvelt að koma sér út á vinnumarkaðinn aftur, ég vildi fá að reyna hvað ég gæti og koma inn í hlutavinnu en kerfið býður ekki upp á það.
Það er nefnilega ekki æskilegt að vera með læknisvottorð upp á vinnufærni að hluta.

Staðan hjá mér er því sú að ég er enn í veikindaleyfi og verð, ég fer í sneiðmyndatöku í júní og þá á að endurmeta ástandið, þannig að ég sé ekki fram á neina vinnu fyrr en eftir sumarfrí leikskólans.

Þetta er ömurlega svekkjandi, það er ekkert verið að spá í andlega eða mannlega þáttinn í þessu dæmi.
Það er víst ekki nóg að vera komin með sjúkdóm heldur er maður barinn niður með þessu fjárans kerfi okkar.

Kveðja Guðlaug

[Maria Erla]

Ég er í háskólanum í 100% námi og það getur stundum verið svoldið stíft. En ég er það heppin að hafa eiginlega ekki fengið kast síðan 2003, en að sjálfsögðu er ég mjög þreytt og þetta tekur á og maður gerir lítið annað á kvöldin en að ligga uppí sófa og fá sér smá lúr yfir fréttatímanum og svona

[rosabjorg]

Ég er ekki í 100% vinnu en er að taka tvö fög í háskóla Íslands og á 2 börn (3 og 6 ára) og finnst það hellings vinna. Ætla að klára námið (eins og snigill), leyfa krökkunum að stækka og fara svo út á vinnumarkaðinn ef allt gengur að óskum. Hef ekki fengið kast í rúmt ár en finn fyrir einkennum óþarlega mikið, sérstaklega á álagstímum.

[Oli_Orn]

Ég er í framhaldsskóla með 4 áfanga í töflu, það er strembið en ég klóra mig áfram í þessu, gæti sennilega tekið að mér 70% vinnu í sumar... verð helst að gera það, á mér dýrt áhugamál :p
_________________
"Nei" er hvorki svar né lausn, gerðu eins og þér dettur í hug, það ert þú sem ræður

Ólafur Örn Karlsson