Spjall MS-félagsins

[tómas guðmundsson]

Í fyrsta tölublaði Meginstoðar 2010 er m.a. fjallað um námskeið á vegum MS-félagsins. Þar er t.d. sagt frá áhrifum MS á minni og námskeiði Claudiu Óskar Georgsdóttur sérfræðings í klíniskri taugasálfræði sem ætlað er þátttakendum til að bæta minnið. Eftir aldarþriðjung með MS hef ég aldrei sett þetta í samhengi, þ.e. MS og minni, en grein sérfræðingsins vakti mig til umhugsunar. Þar koma fram hlutir varðandi minnið, sem ég hef þráfaldlega rekið mig á í gegnum tíðina, sérstaklega hvað varðar nýminni og vinnsluminni. Ekki MINNIST ég þess að þessir hlutir hafi verið ræddir meðal MS-fólks hér á mínu svæði (þ.e. Akureyri og Eyjafirði), en kannski skiftumst við á skoðunum um þetta á fyrsta fundi okkar eftir sumarfrí. Sjálfur hefði ég áhuga á að geta sótt svona minnisnámskeið en sýnist það tæpast gerlegt ef ég þarf að fljúga sex sinnum til Reykjavíkur á maðan námskeiðið stendur yfir og væri kannski ráðlegra að reyna að fá sérfræðinginn sex sinnum hingað norður eða að öðrum kosti hún fjarstýrði námskeiðinu að hluta (fyrsti og síðasti tíminn hér fyrir norðan)í grgnum tölvu. Í von um góðar undirtektir. Tommi.